స్నేహంగా మెలిగి.. నగ్న చిత్రాలు తీసి!
హైదరాబాద్‌: స్నేహం పేరు చెప్పి అమ్మాయితో కలిసి తిరిగాడు.. శీతలపానీయంలో మత్తు కలిపి నగ్న దృశ్యాలను చిత్రీకరించాడు.. అమెరికా వెళ్లి వాటిని నీలిచిత్రాల వెబ్‌సైట్లలో నిక్షిప్తం చేశాడు.. తోటి స్నేహితులు ఆ వీడియోల్ని గుర్తించి బాధితురాలికి చెప్పడంతో అతడి కపట నాటకం బహిర్గతమైంది. ప్రస్తుతం అమెరికాలో ఉన్న అతడిపై కేసు నమోదు చేసిన రాచకొండ సైబర్‌క్రైమ్‌ పోలీసులు దర్యాప్తులో నిమగ్నమయ్యారు. వివరాల్లోకి వెళ్తే.. మీర్‌పేట ప్రాంతానికి చెందిన యువతి(24)కి తొమ్మిదేళ్ల క్రితం కామన్‌ ఫ్రెండ్‌ ద్వారా ఓ యువకుడు పరిచయమయ్యాడు. మూడేళ్ల క్రితం ఆమె డిగ్రీ చదివిన సమయంలో ఇద్దరి స్నేహం బలపడింది. తరచూ ఫోన్‌లో మాట్లాడుకునేవారు. ఇద్దరు కలిసి పలుమార్లు బేకరీకి వెళ్లారు. ఓమారు ఇలాగే తీసుకెళ్లి శీతల పానీయంలో మత్తు గుళికలు కలిపి ఇచ్చాడు. దాన్ని తాగిన బాధితురాలు మత్తులో ఉండగానే ఓ నిర్జన ప్రదేశానికి తీసుకెళ్లాడు. తన చరవాణితో ఆమె నగ్న దృశ్యాలను చిత్రీకరించాడు. కొన్ని రోజుల తర్వాత ఆ వీడియోల్ని బాధితురాలికి చూపించాడు. బెదిరిపోయిన బాధితురాలు వాటిని తొలగించాలని ప్రాధేయపడింది. ఈ క్రమంలో వాటిని తొలగించానని ఆమెను నమ్మించి కపట బుద్ధిని ప్రదర్శించాడు. తర్వాత ఉన్నత చదువుల కోసం అమెరికా వెళ్లాడు. కొన్ని రోజుల తర్వాత పలు నీలిచిత్రాల వెబ్‌సైట్లలో ఆ దృశ్యాలను నిక్షిప్తం చేశాడు. బాధితురాలి స్నేహితురాలు వాటిని చూసి విషయం ఆమెకు చెప్పడంతో అతడి నిర్వాకం బహిర్గతమైంది. ప్రస్తుతం అతడు అమెరికాలో ఉండటంతో బాధితురాలు రాచకొండ సైబర్‌క్రైమ్‌ పోలీసులకు ఫిర్యాదు చేసింది. నిందితుడు వీడియోను నిక్షిప్తం చేసిన ఐపీ అడ్రస్‌ను కనుగొనే పనిలో పోలీసులు నిమగ్నమయ్యారు.
హైదరాబాద్‌: స్నేహం పేరు చెప్పి అమ్మాయితో కలిసి తిరిగాడు.. శీతలపానీయంలో మత్తు కలిపి నగ్న దృశ్యాలను చిత్రీకరించాడు.. అమెరికా వెళ్లి వాటిని నీలిచిత్రాల వెబ్‌సైట్లలో నిక్షిప్తం చేశాడు.. తోటి స్నేహితులు ఆ వీడియోల్ని గుర్తించి బాధితురాలికి చెప్పడంతో అతడి కపట నాటకం బహిర్గతమైంది. ప్రస్తుతం అమెరికాలో ఉన్న అతడిపై కేసు నమోదు చేసిన రాచకొండ సైబర్‌క్రైమ్‌ పోలీసులు దర్యాప్తులో నిమగ్నమయ్యారు. వివరాల్లోకి వెళ్తే.. మీర్‌పేట ప్రాంతానికి చెందిన యువతి(24)కి తొమ్మిదేళ్ల క్రితం కామన్‌ ఫ్రెండ్‌ ద్వారా ఓ యువకుడు పరిచయమయ్యాడు. మూడేళ్ల క్రితం ఆమె డిగ్రీ చదివిన సమయంలో ఇద్దరి స్నేహం బలపడింది. తరచూ ఫోన్‌లో మాట్లాడుకునేవారు. ఇద్దరు కలిసి పలుమార్లు బేకరీకి వెళ్లారు. ఓమారు ఇలాగే తీసుకెళ్లి శీతల పానీయంలో మత్తు గుళికలు కలిపి ఇచ్చాడు. దాన్ని తాగిన బాధితురాలు మత్తులో ఉండగానే ఓ నిర్జన ప్రదేశానికి తీసుకెళ్లాడు. తన చరవాణితో ఆమె నగ్న దృశ్యాలను చిత్రీకరించాడు. కొన్ని రోజుల తర్వాత ఆ వీడియోల్ని బాధితురాలికి చూపించాడు. బెదిరిపోయిన బాధితురాలు వాటిని తొలగించాలని ప్రాధేయపడింది. ఈ క్రమంలో వాటిని తొలగించానని ఆమెను నమ్మించి కపట బుద్ధిని ప్రదర్శించాడు. తర్వాత ఉన్నత చదువుల కోసం అమెరికా వెళ్లాడు. కొన్ని రోజుల తర్వాత పలు నీలిచిత్రాల వెబ్‌సైట్లలో ఆ దృశ్యాలను నిక్షిప్తం చేశాడు. బాధితురాలి స్నేహితురాలు వాటిని చూసి విషయం ఆమెకు చెప్పడంతో అతడి నిర్వాకం బహిర్గతమైంది. ప్రస్తుతం అతడు అమెరికాలో ఉండటంతో బాధితురాలు రాచకొండ సైబర్‌క్రైమ్‌ పోలీసులకు ఫిర్యాదు చేసింది. నిందితుడు వీడియోను నిక్షిప్తం చేసిన ఐపీ అడ్రస్‌ను కనుగొనే పనిలో పోలీసులు నిమగ్నమయ్యారు.
No comments:
Post a Comment