చెల్లెలిని బంధించి అక్కపై అత్యాచారం

చెల్లెలిని బంధించి అక్కపై అత్యాచారం


కేశవగిరి: తల్లి, సోదరులు లేని సమయంలో ఇంట్లోకి ప్రవేశించిన ఓ బాలుడు(17) బాలికపై అత్యాచారానికి పాల్పడ్డాడు. అడ్డువచ్చిన బాధితురాలి చెల్లెలిని గదిలో బంధించి ఘాతుకానికి పాల్పడ్డాడు. ఆలస్యంగా వెలుగుచూసిన ఈ సంఘటన చాంద్రాయణగుట్ట పోలీసుస్టేషను పరిధిలో చోటుచేసుకుంది. ఇన్‌స్పెక్టర్‌ రుద్రభాస్కర్‌ కథనం ప్రకారం.. చాంద్రాయణగుట్టలో నివసించే ఓ కుటుంబంలోని తల్లి, సోదరులు మంగళవారం రాత్రి ఆసుపత్రికి వెళ్లారు. బాలిక(16), ఆమె చెల్లెలు ఇంట్లోనే ఉన్నారు. ఇంట్లో పెద్దవారు ఎవరూ లేకపోవడం, తలుపు తెరిచి ఉండడంతో బాలుడు లోపలికి ప్రవేశించాడు. బాలిక (16)ను పడకగదిలోకి లాక్కెళ్లాడు. ఇది గమనించిన చెల్లెలు.. అతడిని అడ్డుకోవడానికి ప్రయత్నించింది. ఆమె(చెల్లెలు)ను ఒక గదిలో బంధించాడు. బాలికపై అత్యాచారం చేసి పరారయ్యాడు. విషయం తెలుసుకున్న తల్లి, సోదరులు పోలీసులకు ఫిర్యాదు చేశారు. బాలుడిపై పోక్సో చట్టం కింద కేసు నమోదు చేశారు. పరారీలో ఉన్న బాలుడిని సీఐ రుద్రభాస్కర్‌ ఆధ్వర్యంలో పట్టుకుని జువెనైల్‌ హోంకు తరలించారు.